XX. mendeko Euskararen Corpus estatistikoa
Testuingurua
KIRIOAKKirioai esker otza eta beroa gure gorputzean somatzen ditugu.
Kirioai esker esku ta oiñak, eta beste soin-atalak igitzen ditugu.
Kirioai esker begiakin ikusi, ta belarriakin entzun egiten dugu.
Baiñan kirioak zer dira?
Gure soiñeko kirio-batza, argi-indar sare baten antzekoa dala esan dezakegu.
Argi-indar ariak indar-etxetik azkenengo baserrietaraiño joaten diran bezela, kirio-ariak ere buruko garunetatik irten, eta gorputz osora zabaltzen dira.
Kirioen etxe-nagusia edo indar-etxea buruko garunetan dugu.
Garunak oso bigunak dira, eta orregatik garezur gogor barruan gordeta dagoz.
Garunetatik bizkar-muina zear, millaka ta millaka kirio-ari me, luzeak gure gorputzaren azken ataletaraiño zabaltzen dira.
Gure etxean telebista ikusteko argindarra bear dugu.
Irratia entzuteko, naiz makinak igitzeko ere argindarra bear da.
Gure gorputzean ere berdintsu: begiak ikusteko kirio-ariak bear dira.
Belarriak entzuteko, naiz soin-atalak igitzeko kirioen bearra dugu.